Asteleheneko partida ondorengo lan saioaren eta atzoko atseden jardunaldiaren ostean, Realeko lehen taldea gaur lanera itzuliko da igandeko San Mameseko partida prestatzeko (18:15). Asteazkenetik larunbatera, jokalariek egunero lan saio bat burutuko dute. Entrenamenduak ordu berean hasiko dira, goizeko hamaiketan, eta ostiral eta larunbatean ateak itxita izango dira.
