‘Reala Zuzenean’ rock euskaldunaren erritmora itzuliko da. Bihar, Manchester Uniteden aurkako Europako partida dela eta, Huntza talde ospetsuak partida aurreko giroa eta saltsa jarriko ditu Reale Arenako eszenatokitik. Ez da faltako, noski, ‘Aldapan gora’ abesti ezaguna, youtubeko historian gehien ikusi den euskarazko bideoklipetako bat.
Aldez aurretik joan
Huntzaren emanaldia 18:30ak aldera hasiko da, beraz, bazkideei aldez aurretik zelaira joatea gomendatzen diegu, euren musikaz denboraz gozatzeko aukera izan dezaten. Atsedenaldian ere entzungo dira bere gai nagusietako batzuk.