Realak eta Itxaso Uriartek akordioa lortu dute futbolariaren kontratua 2019ko ekainaren 30a arte luzatzeko. Aurreko kontratua uda honetan amaitzen zen. Honela, erdilariak beste bi urtez luzatu du bere harremana entitate gipuzkoarrarekin
Jokalari gasteiztarra pozik azaldu da Real Sociedad TV-ko kamararen aurrean. “Klubak lehen egunetik izan du konfidantza nigan. Oso kontentu nago hemen daramaten denbora guztiarekin. Hobetzen jarraitu nahi dut”, esan du Itxasok. Denboraldia ondo amaitzea espero du. “Partida zailak datozHelburu altuak ipintzen ditugu eta taldea ondo ari da. Konfidantza dugu Kopan sartzeko”, amaitu du.