Ander Barrenetxeak 100 partida jokatuko ditu Realarekin. A zer nolako cifra 21 urte besterik ez dituela. 17rekin debutatu zuen eta, lehen taldean sendotuta, donostiarrak oraina eta etorkizun oparoa ditu aurretik. Hilabeteak zelaietatik kanpo utzi dion lesiotik osatuta, Anderrek irribarre egiten du, bere futbola bezala: alaia, dibertigarria eta lotsagabea. Real Sociedad TVrekin bere jatorrira itzuli da: Kontxako hondartzara. Han eman zizkion lehen ostikoak baloiari, Gipuzkoako beste hainbat txikik bezala. Orain txuri-urdin armarria darama harrotasun handiz.