Sansek badaki zein aurkarirekin neurtu beharko dituen indarrak datorren denboraldian. Espainiako Futbol Federazioak gaur egin duen batzarrean, lurralde- eta autonomia-federazioek, kluben beharrak, kezkak eta eskaerak kontuan hartuta, 2023/2024 denboraldirako Lehen Federazioko taldeen antolakuntza onartu dute.
Lehiaketa sistema bera izango da, hogei taldeko bi multzorekin, joan-etorriko liga formatuan eta bi multzoetako txapeldunentzat gordetako igoera zuzeneko postu banarekin.
Txuri-urdinek talde hauek izango dituzte aurkari: CD Arenteiro, CD Lugo, CD Teruel, CE Sabadell FC, CF Fuenlabrada, CF Rayo Majadahonda, Club Atlético Osasuna B, CyD Leonesa, FC Barcelona Atlètic, Gimnastic de Tarragona, RC Celta de Vigo B, RC Deportivo, Real Union Club, SD Logroñés, SD Ponferradina, SD Tarazona, Sestao River Club, UE Cornella eta Unionistas de Salamanca CF.