Realaren nesken taldeak Gipuzkoako Kirol Prentsa Elkartearen saria jaso zuen atzo. Joan den denboraldian lortutako Erreginaren Kopa aitortu diote kirol hedabideek. Egun berezia izan zen atzokoa, Reale Arenan ospatutako ekitaldiak kolore berezia izan zuen. Gipuzkoako ordezkari ugari egon ziren Kirol Prentsaren Gala honetan, non Realeko beste kirolari batzuk ere saria jaso zuten. Mikel Oyarzabal eta Igor Zubeldia lehen taldeko jokalariak, belar hockey taldeko emakumezkoen taldea eta Iraitz Arrospide sarituak izan ziren. Azkenik, ekitaldian Gorka Reizabal eta Paco Izquierdoren familiek omenaldi goxoa jaso zuten.
