Sansek gaur goizean ekin dio aurredenboraldiko lehen partidari, Zubietan Beasainen aurka hutsean berdinduta. Txuri-urdinek sentsazio oso onak utzi dituzte eta, golik sartu ezin izan duten arren, nagusi agertu dira eta irabazteko aukerak izan dituzte. Garridok eta Ruperezek oso gertu izan dute gola lehen zatian, baina ez dute asmatu. Azkunek eta Elizondok ere aurrea hartzeko abaguneak izan dituzte atsedenaldiaren ostean, kanpoko atezainarekin gola behin eta berriz saihestuz. Gure filialaren udako prestaketaren hasiera ona. Datorren larunbatean Real Unionen aurka jokatuko dute Irungo Stadium Galen denboraldia prestatzen jarraitzeko.
