Itxaso Uriartek Realeko Urre eta Brillantezko Intsignia jaso du gaur, Joseba Ibarburu presidenteordearen eskutik, klub txuri-urdinean izandako ibilbide bikainarengatik. Emakumezkoen taldearen historian urte gehien egon den gure jokalarietako batek merezitako omenaldia jaso du eguerdi honetan Reale Arenan egin den denboraldi amaierako bazkarian. Dedikazio eta profesionaltasun urteak, 2019ko Erreginaren Koparekin borobilduta. Eredu bat guztientzat.