Urre eta harribitxizko omenaldia

Zorra kitatu zen Realeko lau mitorekin. Derbiaren atarian, Alberto Lopezek, Agustin Aranzabalek, Aitor Lopez Rekartek eta Oscar De Paulak merezitako urre eta diamantezko intsignia jaso zuten.

Emozio askoko gaua izan zen laurentzat. Egun berezi batean, bere familiak lagunduta, txalo zaparrada ikaragarria jaso zuten Jokin Aperribay presidentearekin batera berdegunera salto egin zutenean. Klikatu bideoan omenaldia nolakoa izan zen ikusteko.