Martin Zubimendik Realarekin zuen kontratua berritu du gaur goizean. Donostiarrak 2026-27 denboraldia amaitu arte luzatu du bere bizitzako klubarekiko lotura.
Oso pozik agertu da kontratua berritzearekin. “Donostiarra izanik, ez dago hazten jarraitzeko leku hoberik, proiektua oso anbiziotsua da. Oso pozik nago eta, gainera, zaleen maitasuna sentitzen dut une oro. Ilusioa eta anbizioa dira nabarmentzen diren bi hitzak. Gehiago nahi dugu eta hori nabari da, zaleak ere halakoak dira eta bat egiten dute gurekin. Oso pozik nago”.
