Realeko zortzi jokalarik aurrera egin dute ‘Futbol Draft 2016’ sarietan. Lehen taldeko Mikel Oyarzabal eta David Conchak lehen ‘kortea’ pasa dute eta sari hauek jasotzeko 55 izendatuen artean darraite, Mikel ‘ezker hegalean’ eta David ‘eskuin hegalean’. Bestalde, emakumeen taldeko Mariasun Quiñones (atezaina), Paola Soldevila (eskuin defentsa zentrala), Nuria Mendoza (ezker defentsa zentrala), Leire Baños (eskuin erdilaria), Maria Diaz (ezker hegalean) eta Nahikari Garcia (aurrelaria) nesken 33 jokalarien zerrendan daude. Lehen izendapenetatik kanpoan geratu den bakarra Alex Ujia jubenila izan da.
