Zubieta, puntuak batzen jarraitzeko eszenatokia

Asteburu honetan, Realak beste neurketa bat jokatuko du etxean, garaipenaren bidera itzultzeko helburuarekin. Txuri-urdinek Deportivo Abanca hartuko dute igande honetan, abenduaren 14an, Zubietan, 12:00etan hasita.

Arturo Ruizek zuzentzen duen taldea Real Madrilen aurkako 0-1eko porrotaren ondoren iritsiko da  neurketara. Nahiz eta emaitza aldekoa izan ez, donostiarrek partida oso lehiatua jokatu zuten, sendotasuna, ausardia eta izaera handia erakutsiz. Zentzu horretan, sentsazioak onak izan ziren eta taldeak berriro ere frogatu zuen ligako handienen aurka lehiatzeko gaitasuna duela.

Orain, Zubietara itzulita, txuri-urdinek errendimendu on hori puntutan bihurtu nahi dute. Deportivo Abanca aurkari eskatzailea izango da, joko antolatu eta lehiakorra duena; horregatik, Realak Madrilen erakutsitako intentsitatea, kontzentrazioa eta anbizioa mantendu beharko ditu bere zaleen aurrean garaipen berri bat lortzeko.

BIGARREN TALDEA

Bigarren taldeak ere jardunaldi berri bati ekingo dio, aurreko neurketan sentsazio ezinhobeak berreskuratu ondoren. Txuri-urdinek Eibar B mendean hartu zuten Zubietan (4-1), partida bikain batean nagusi izan baitziren eta erasoko maila altua erakutsi zuten.

Garaipen horrek konfiantza handia eman dio Aitor Resenderen taldeari, eta horrekin bidaiatuko dute hurrengo erronkara. Bigarren taldeak Madrid CFF B izango du aurkari igandean, abenduaren 14an, 12:00etan, Antiguo Canódromo estadioan.

Helburua garbia da: une onari jarraipena ematea, lehiakortasun maila mantentzea eta etxetik kanpo ere hazten jarraitzea. Geroz eta joko azkarragoarekin, erasoan eraginkortasuna erakutsiz eta nortasun argiarekin, donostiarrek urteari amaiera ona eman nahi diote beste emaitza positibo batekin.