Realak eta Tokushima Vortisek, J2 Leagun jokatzen duen klub japoniarrak, aurrerapausoak ematen jarraitzen dute. Joan den abenduan hasitako harreman horri esker, Realak kirol-aholkularitzako zerbitzuak ematen dizkio Tokushima Vortis enpresari eta, era berean, aholkularitza-zerbitzuak ematen ditu merkataritza eta negozio gaietan.
Duela egun batzuetatik hona, Tokushimako beheko kategorietako 5 mutil Zubietan ari dira gure beheko kategorietako taldeekin. Egonaldi hori datozen bi asteetan luzatuko da, eta, futbolariez gain, bi teknikarik eta Japoniako klubeko kirol-zuzendariak Realaren kirol-eredua ezagutzen eta sakontzen jarraitzeko aprobetxatuko dute.