Realak akordio bat lortu du Leire Baños jokalariarekin bere kontratua 2021eko ekainaren 30a arte luzatzeko, aurreko kontratua udara honetan amaitzen zen. Harrobiko gazteak bere zazpigarren denboraldia betetzen ari da txuri-urdin bezala eta taldean garrantzia irabazten jarraitzen du urtero. Irundarrak bere poztasuna adierazi du Real Sociedad TVren kamararen aurrean, “Reala nere etxea da, oso gazte iritsi nintzen eta polita da hemen ikasten jarraitzea”. Garbiñe Etxeberria, Kirol Zuzendariak, ondorengoa aipatu nahi izan du Leire Baños eta Iraia Iparragirreren berritzeen inguruan: “etxeko bi jokalari Klubean jarraitzeko apustua egiteak garrantzia handia du”.