Ziur asko atzo arratsaldeak balio handia izan zuela Donostia Ospitalean dauden haurrak lehenbailehen sendatzeko eta etxera itzultzeko. Mikel Oyarzabal, Aritz Elustondo, Jon Pacheco, Nahia Aparicio, Andreia Jacinto eta Maren Lezeta ospitalera joan ziren tarte atsegin bat partekatzeko eta indar handiena txikiei eta haien familiei helarazteko. Txikien aurpegiek dena esaten zuten. Horietako bati, gainera, "Zorionak zuri" abestu zioten bere urtebetetze egunean. Animo, txapeldunak!
