Aurreko denboraldian bezala, honetan ere hainbat gazte hasiko dira lanean Zubietan, lehen taldea baino egun batzuk lehenago. Lehen taldearen aurredenboraldiak egunero ekarriko duen lana eta exijentzia uztailaren 11tik aurrera hasiko da, horretarako hainbat harrobiko jokalari egongo dira udan zehar helduekin batera. Lehen egunetik errendimendu onena bilatze aldera, gazte horiek uztailaren 4ean itzuliko dira lanera, egokitzapen lan bati ekiteko.
Lan fase hau hasiko duten jokalariak hauek dira: Jon Gorrotxategi, Mikel Goti, Pablo Marín, Jon Balda, Iñaki Rupérez, Jon Martín, Jon Magunazelaia, Ibrahima Camara, Jon Karrikaburu, Roberto López eta Jonathan Gómez. Hilaren 8an Unai Marrero, Aitor Fraga eta Egoitz Arana batuko dira lan horretara.
*Lan saio hauek ateak itxita izango dira.