Emakumezkoen taldeak Sporting Huelva taldeari egingo dio bisita asteazken honetan, 17:00etan, La Orden estadioan hiru puntuak lortzeko asmoz. Aurreko igandean Sevilla FC taldearen aurka lortutako puntuak zapore gazi-gozoa utzi zion taldeari Europako helburua urrunago ikusita. Horregatik gipuzkoarrek garaipena lortu nahi dute Andaluzian.
Atletico Madrilen aurka garaipena lortzetik dator Sporting Huelva, eta horrek konfiantza eman dio bere etxean. Natalia Arroyoren neskek badakite ez dela partida erraza izango eta talde indartsuek puntuak utzi dituztela Andaluzian. Sporting Huelvaren defentsa sendoa bere ezaugarri nagusietako bat da, beraz, aukerak aprobetxatzea ezinbestekoa izango da hiru puntuak lortzeko. Aurrera Reala!