Hemen duzu Realaren eta Inter Milanen arteko Reale Arenako partidarako informazio erabilgarri guztia (21:00):
Keler Espazioa
Gastrogune aretoak bihar 20etatik aurrera irekiko du, gure zaleek partidan atarian motorrak berotu ahal izan ditzaten. Gastrogune aretoa egongo da martxan.
Ateen irekiera
Reale Arenako ateak 20etan irekiko dira. Bazkide txartel fisikoarekin, bazkide txartel digitalarekin (Realzale app-en integratua) edo dagokion partidako sarrerarekin sartu ahal izango da.
Autobusak probintziatik
Probintziako hainbat tokitatik gure bazkideak eta zaleak ekartzen dituzten autobusak Illumben aparkatu beharko dute.
Mosaikoa
Giro ederra sortzeko asmoz, realzaleek kartoi mehe bat aurkituko dute beraien eserlekuetan -urdina edo txuria-. Honekin mosaiko txuri urdin erraldoia sortuko dute. Megafoniatik, etorritako zale guztiei ohartarazi egingo zaie Championseko ereserkia entzutean altxa dezaten.
Bazkideentzako Arreta Bulegoa eta leihatila
Reale Arenako bazkidearen arretarako bulego ondoan dauden leihatilak, Atano III. pilotalekuaren parean daudenak, 19etatik aurrera egongo dira martxan, partidarekin zerikusia duen edozein gorabehera konpontzeko. Gogoratu sarrerak geratzen direla.
Tabernetako eta dendako zerbitzua
Reale Arenako denda ofiziala 10etatik 21etara irekiko da. Tabernak 20etatik aurrera egongo dira martxan, eta jatetxe-zerbitzua eskainiko dute, pizzez, ogitartekoez, kroketez eta abarrez gain; beraz, estadio barruan ere jan ahal izango duzu.
Bizikleten aparkalekua, igandean
Bizikletentzako eta patineteentzako aparkaleku berria bihar itxita egongo da.