Sansek multzoko talde gogorrenetariko bat hartuko du larunbat arratsaldean Zubietan (18:00). Burgos CF izango da Imanol Alguacilenen aurkaria. Txuri-urdinak momentu on batean iristen dira bi garaipen jarraian lortu ondoren. Aurreko asteburuan Urritxen lortutako emaitzak indarra eman die gipuzkoarrei eta beren jokoarekin jarraitzea bultzatu.
El Plantioko taldeak garaipen garrantzitsu bat eskuratu zuen UD Logroñesen aurrean (1-0), multzoko beste arerio gogorretako bat. Neurketa interesgarria beraz Jose Luis Orbegozon ikusi ahal izango dena. Partida zuzenean jarraitu ahal izango da realsociedad.eus webgunean.
SD Deusto - Real Sociedad C (Larunbata, 17:30)
Real Sociedad C Etxezuri bisitatuko du etxetik kanpo garaipen berri bat lortzeko helburuarekin. Sergio Franciscorenek Federazio Kopako partaidetza amaitu ondoren, hirugarren 8 punturekin kokatuta dagoen SD Deustoren aurka jokatuko dute.