Sansek Ipurua bisitatuko du igande honetan Eibarren aurka gipuzkoar derbia jokatzeko. Txuri-urdinak bikain ari dira lehiatzen partida guztietan eta puntuak pilatzen jarraitu nahi dute, arrisku postuetatik urrun mantentzeko.
Armaginek, bestalde, donostiarrek baino bi puntu gehiago dituzte eta etxean oso talde fidagarria izaten ari dira. Igoeragatik borrokatu nahi badute badakite Ipuruan neurketa gehienak irabazi beharko dituztela. Derbi berezi baten bila. Aupa Sanse!