FC Barcelonak U13 Mailako Nazioarteko Txapelketa irabazi du CA Osasuna hiru eta huts mendean hartu ondoren gaur goizean Zubietako Jose Luis Orbegozo zelaian jokatutako finalean.
Maila handiko norgehiagoka formakuntza futboleko erreferentzia diren bi taldeen artekoa. Katalanak nagusi izan dira lehenengo zatian, hiru gol sartu eta neurketa ia erabakita utziz. Colome, Arnau eta Marc izan dira golegileak. Bigarren zatia parekatuagoa egon da, baina azkenean ez da markagailua gehiago mugitu.
Goizean azken sailkapena lortzeko neurketak jokatu dira Real Sociedad Fundazioak organizaturiko txapelketan. RC Celtak bi eta bat irabazi dio Realari hirugarren amaitzeko. Real Madrid bosgarren geratu da penaltietan Lille OSC gailendu ondoren. EDF Logroño eta Ordizia zazpigarren eta zortzigarren amaitu dute txapelketa.
Fitxa teknikoa:
CA Osasuna: Mutilva (Burguete, min. 26), Cervera, Ziganda, Azagra, Larrion, Bonel, Iribarren, Aimar, Morales, Aldama (Berrio, min. 21), Astrain.
FC Barcelona: Cava, Fort, Colome, Olmedo, Prim, Simons, Dominguez, Marques, Arnau (Ortiz, min. 31), Quiles, Marc.
Golak: 0-1: Colome, min. 9; 0-2: Arnau, min. 14; 0-3: Marc, min. 24
Epailea: Aritz Beitialarrangoitia. Txartelik gabe.
