Emakumezkoen taldeak larunbatean neurketa handia jokatuko du. Txuri-urdinek FC Barcelona hartuko dute etxean, txapelketako arerio indartsuenetarikoa. Igor San Miguelenak bigarren itzuliko bolada ezinhobeari jarraipena eman nahi diote. Lehen bi partidetan bi garaipen lortu dituzte. Lehenbizi Levanteren aurka etxean eta ondoren Granadilla mendean hartuz. Emaitza onek sailkapenean gora joateko balio izan dute.
Larunbatean aurkari zailenetariko bat bisitatuko du Zubieta. Barcelona bigarren sailkatua da 41 punturekin eta bakarrik bi porrot jasan ditu Ligan. Gainera, gol gutxien jaso dituen taldeenetarikoa da. Neurketa erakargarria jokatuko da z7an (10:45). Zaila izango da, baina Realak erakutsi du edozein aurkariaren aurka emaitza ona lortzeko gai dela eta garaipena bilatuko du berriro ere. BeIN Sports LaLigak zuzenean eskainiko du.
Deialdia ondorengo jokalariek osatzen dute: Cris, Mariasun, Iraia, Gaste, N. Mendoza, Soldevila, Ramajo, Etxezarreta, Chini, Itxaso, Titay, Cirauqui, N. Eizagirre, Beristain, Leyre F., M. Zelaia, Manu eta Nahikari. Albiste nagusia Titay Calvoren itzulera deialdi batera 4 hilabeteko lesioa gainditu eta gero. Nuria Sanchez baja medikoa da "mina belaunean", besteak kanpoan geratzen dira erabaki teknikoagatik.
Partida ikustera gerturatuko diren jarraitzaileei gogoratzen diegu neurketa hau ikusteko sarrera ordaindu behar dela (10 euro). Realeko abonatuek, berriz, ez dute sarrerarik ordaindu behar.