Sentitzen dugu, kupoa 15:25ean itxi da
Datorren ostegunean denboraldi berriaren hasierako unerik esperotuenetako bat iritsiko da. 18:00etatik aurrera hasiko da Nyonen Champions Leagueko multzoen faseko zozketa. Hain egun zirraragarria familian gozatzea merezi du eta, horregatik, festa bat antolatu dugu gure Fan Zonen, Keler Espazioan.
Ez da ostegun arratsalderako ekitaldi sozial bakarra izango. Zozketaren aurretik, fitxaketa berriak hurbilagotik ezagutzeko aukera izango duzu. 16:30etik 17:45era, Hamary Traoré, André Silva, Arsem Zakharyan eta lurreratu berria den Kieran Tierney izango dira protagonistak Fan Zoneko gure eremuetako batean egingo den sinadura-ekitaldian, LG Gaming-en.
Izena eman ekitaldi bikoitzerako
Edukiera-mugak daudenez, izena emateko formulario bat aktibatu dugu Fan Zonera sartu nahi duten pertsona guztientzat, bai sinadura-ekitaldirako, bai zozketa Gastroguneko pantaila erraldoian ikusteko. Pertsona bakoitzak gehienez hiru lagun apunta ditzake, eta eskatzaileak bere NANa aurkeztu beharko du gunera sartzean.
Eskaerak izen-ematearen ordenaren arabera kontabilizatuko dira edukiera bete arte. Fan Zone 16:00etatik zozketa amaitu arte egongo da zabalik. Gastroguneko zerbitzu guztiak martxan egongo dira. Izena eman dutenei aldez aurretik joatea gomendatzen diegu, sinadura-ekitaldian azken orduko pilaketak saihesteko eta ezusteko gehiagorako tartea izateko.
Jolasak, opariak eta zozketa
Izan ere, sinadura-ekitaldia amaitutakoan, Txurdin ere bertan izango da, eta bertaratutako guztiak gonbidatuko ditugu Gastrogune eremura, Champions League-rekin lotutako hainbat jokotan parte hartzera. Eta, opariak banatu ondoren, zuzenean biziko da Europako futboleko zozketarik garrantzitsuenaren zirrara. Eta zer hobe elkarrekin bizitzea baino? Zuen zain gaude!