Real C-k landutako garaipena lortu du gaur goizean Zubietan Deustori 1-0 irabazita. Lehen zatia abagune gutxikoa izan da. Kanpokoen aukerarik argiena Telletxearen bolea bat izan da, Tompak geldiketa izugarriarekin urrundu duena. Txuri-urdinen aldetik, abagunerik arriskutsuena azken minutuetan iritsi da, Elkanok area barruan egindako erremate batekin. Zoritxarrez, Crespok geldiketa ona egin du.
Bigarren zatian, kanpokoek hainbat hurbilketa izan dituzte, baina Tompak bere atea hutsean mantentzea lortu du. Amaierarako hamabost minuturen faltan, Peralek erdiraketa ona jarri du eta Garitaonaindiak burukada zoragarria egin du 1-0ekoa egiteko. Garitaonaindiak berak abantaila handitzeko aukera izan du minutu batzuk geroago, baina bere jaurtiketa ezker zutoinetik oso gertu atera da. Azken minutuetan, Baro bigarrena sartzeko zorian izan da, baina bere erremateak zutoinean jo du. Garaipen garrantzitsua txuri-urdinentzat. Hurrengo jardunaldian Lagun Onak taldearen aurka jokatuko dute etxetik kanpo. Aupa Real!
Fitxa teknikoa:
Real C: Tompa, Peral, Segurola (kap.), Arana (Garitaonaindia, min. 64), Letamendia, De Orue (Larrañaga, min. 28), Sáenz, D. López (Baro, min. 46), Elcano, Nebreda (Adjabeng, min. 46) eta J. Gorosabel (Larralde, min. 75).
SD Deusto: Crespo, Quevedo (Baroja, min. 75), U. López (kap.), Daiki, Recari, L. Rodríguez, J. López (Jaio, min. 75), Elorrieta (Atte, min. 84), Montero, Youssef (M. Marín, min. 75) eta Telletxea (Andikoetxea, min. 60).
Gola: 1-0: Garitaonaindia, min. 75.
Epailea: Ander Calvo. Txartel horia atera die Arana, Adjabeng eta Letamendiari eta kanpoko Barojari.
Disfruta de tu nuevo carnet digital 
Zure informazioa eta datuak konsultatu edo aldatu
Zuretzat bakarrik ekintza eta promozio bereziak
Zozketak, sariak, 360 bideoak, etabar
Gure taldeen eta jokalarien estatistikak
Gure artxibo historikoa kontsulta egin
Audioak, postalak, posterrak eta aldizkariak jeisteko prest.
Zure argazkia taldearekin