Bi porrot dituzunean nahi duzun gauza hurrengo partida ahalik eta azkarren iristea da, are eta gehiago taldek anbizio galanta duenean. Realak larunbatean Madrid CFF taldeari egingo dio bisita. Helburua, garaipenaren bidera itzuli eta lehen jardunaldietan izandako sentsazio onak berreskuratu, taularen goikaldean egotea ahalbidetu dieten sentsazioak, alegia.
Aurrean sailkapeneko behekaldean dagoen taldea izango dute. Hala ere, madrildarrek futbol ona egiten dute eta etxean paper ona betetzen dute. Gipuzkoarrak hiru puntuen bila doaz.
Deialdia ondorengoa da: Quiñones, Oihana, Iraia, Maddi, Soldevila, N. Mendoza, B. Beltrán, Saioa, Etxezarreta, Itxaso, L. Baños, S. Olaizola, M. Cardona, Manu, N. Eizagirre, C. Bautista, Palacios eta Nahikari. Baja medikuak dira Sandra Ramajo eta Cristina Pizarro.