Garaipenetik gertu Levante UD-ren aurkako estreinaldian (0-0)

Realeko nesken taldeak puntu bat lortu du liga hasieran hutsean berdindu eta gero Levante UD-ren aurka. Beroa nabaria izan den partida batean, epaileak bi geldiune adierazi ditu jokalariek hidratatzeko, txuri-urdinek gertu izan dute garaipena aukera ugari izanda, bigarren zatian batez ere. Lehen zatia oso parekatua egon da. Charlyn Corral lehena lortzetik gertu egon da hasi bezain pronto. Aukera garbirik gabe lehen berrogeita bost minutuetan, Mariasunek 1-0ekoa ekidin du Mari Jose Perezi egindako geldiketa bikain batekin. Bigarren zatian abagune gehiago egon da, txuri-urdinenak argienak izanda. Manuela Lareo etxeko atezaina gainditzen saiatu da, baina gora joan zaio txapela. Irekia zegoen partida batean, Maria Diazek ezin izan du gola lortu pare bat aukeretan. Levantek ere izan ditu bereak, Alba Merinoren jaurtiketa bat desbideratuta irten da. Denbora gehigarrian, Nerea Eizagirre debutariak langara bidali du baloia, neurketako aukera garbiena. Txuri-urdinen estreinaldi ona zelai zail batean. Gipuzkoarrek hurrengo asteburuan egingo dute debuta etxean. Zubietan hartuko dute Granadilla Tenerife arriskutsua.Fitxa teknikoa:Levante UD: S. Torres, Oli, S. Prim, Guti, Maitane, Mariajo, Nerea (Nagore, min. 61), Alharilla, M.J. Perez (Lucía, min. 86), Carolina (Alba, min. 61), Charlyn. Real Sociedad: Mariasun, N. Sanchez (L. Baños, min. 81), Soldevila N. Mendoza, Ramajo, Chini (N. Eizagirre, min. 76), Itxaso, Cirauqui, Beristain (Aintzane, min. 86), Leyre F., Manu (Etxezarreta, min. 63). Epailea: Escriche Guzman. Txartel horia erakutsi dio etxeko Alharilla, eta kanpoko Uriarte, Beristain eta Chiniri. Igor San Miguel entrenatzaileak ondorengoa aipatu du partidaren amaiean: "Neurketa serioa egin dugu zelai zail batean. Levantek argi du bere estiloa zein den eta sufriarazi egin diegu aukera garbiak izanda garaipena lortzeko".De cara al debut del próximo fin de semana ante su afición, San Miguel espera “un partido muy complicado ante un rival que juega de manera distinta”.