Realeko emakumezkoen taldeak bolada txarra moztu zuen aurreko asteburuan RCD Espanyolen aurka eta puntuak pilatzen jarraitu behar dute. Neskek Rayo Vallecano hartuko dute igandean Zubietako z7an helburu argi bakarrarekin, urteko lehen garaipena eskuratzea.
Vallekaseko taldea sailkapenaren erdialdean kokatuta dago, zortzigarren dira 12 punturekin. Gipuzkoarrak adi egon beharko dira. Talde madrildarra etxetik kanpoko talde gogorrenetariko bat da, hiru garaipen lortu dituzte jokatutako lau neurketetan.
Zerrenda ondorengoa da: Cris, Quiñones, Iraia, Gaste, Ramajo, Soldevila, L. Baños, B. Beltran, Chini, Titay, Etxezarreta, Beristain, N. Eizagirre, Leyre F., Zornoza, Manu, Michi eta Nahikari. Baja medikoak dira Nuria Mendoza eta Itxaso Uriarte.