Adnan Januzaj eta Hector Moreno aukeratuak izan dira 2018ko Errusiako Munduko Txapelketara joateko. Beraz, belgikarra eta mexikarra Alvaro Odriozolarekin egongo dira txapelketa honetan. Bi jokalari hauek lehenengo zerrendan zeuden aukeratuak, baina oraindik ez zen behin-betikoa. Gaur konfirmatu da biak izan direla azkenik aukeratuak. Horrela, Realeko hiru jokalari egongo dira Munduko Txapelketako edizio honetan. Talde txuri-urdinak, beste behin, hainbat ordezkari izango ditu lehiaketa historiko honetan.