Realeko emakumezkoen taldeak Sporting de Huelvaren aurka jokatuko du igandean 12:15etatik aurrera. Gipuzkoarrak dinamika on batean iristen dira aurreko igandean landutako garaipen bat lortu eta gero Zubietan Albaceteren aurka. Igor San Miguelen taldeak boladari jarraipena eman nahi izango dio sailkapenean berrindartzeko.
Sporting Huelva hamargarren dago 25 punturekin, Realak baino zazpi gutxiago. Andaluziarrek bizirik mantendu nahi du Kopa jokatzeko esperantza. Horretarako, etxetik ezin dituzte puntu gehiago ihes egiten utzi. Arreta handia ipini behar izango dute txuri-urdinek La Orden futbol zelaian.
Deialdia ondorengo jokalariek osatzen dute: Cris, Mariasun, N. Sanchez, Gaste, Iraia, N. Mendoza, Soldevila, L. Baños, Ramajo, Etxezarreta, Chini, Itxaso, Cirauqui, Beristain, Aintzane, Leyre F., Manu, Nahikari. Nerea Eizagirre baja da 17 urtez azpiko espainiar selekzioarekin kontzentratua baitago, besteak erabaki teknikoagatik dira baja.