Nahiz eta aurreko ostiralean gure hockeyeko neskek Santanderren puntu bat lortu, Jorge Perezek gidatutako taldeak gehiago lortu ahal izan zuelakoan bueltatu zen Donostira. Igande honetan, goizeko 11:00etan Realak Atletic Terrassa HC-ren aurka jokatu beharreko partida aukera paregabea da hiru puntuak etxean gelditu eta sailkapenean gora egiteko. Aurkariak gogotsu etorriko dira, izan ere, azken partidetan bi berdindu eta bat galdu baitute.
Bestalde, nesken bigarren taldeak igandean bertan, goizeko 9:00etan, Castelldefelsen aurka jokatuko du.