Gure belar hockeyko taldeak urrezko puntu bat lortu du gaur goizean Zubietan Club de Camporen aurka bana berdinduta. Txuri-urdinek indartsu ekin diote neurketari, maila liderrari lehiatuz. Lehen gola, aldiz, Lucia Abajok sartu du madrildarrentzat, bigarren laurdena hasi eta gutxira.
Donostiarrek estutzen jarraitu dute eta saria aldageletatik igaro ostean iritsi da, Martha Charlotteren golari esker. Berdinketa ona zen arren, txuri-urdinak ez dira emaitzarekin konformatu eta azken laurdenean abaguneak izan dituzte garaipena lortzeko. Azkenean, gipuzkoarrei oso zapore ona uzten dien puntua, liderra aurrean izanda. Hau da bidea. Atxurrak gora!