Reale Arena zapaldu gabe hilabete asko eman ostean, Realeko zaleak etxean sentitzen dira berriro. Aurtengo denboraldia hasi zenetik, partida bakoitzean gure zaleen ilusio berritu bat sumatzen da. Oraindik ez gara denak sartzen, egunetik egunera gehiago gara, baina Donostiako harmailetan sumatzen da zerbait suspertu dela familia txuri urdinean.
Ilusio horren adibide bat igandean ikusi genuen, 24.000 bazkiderekin zelaian. Diego Campoy kazetari gazteak Kopako finaleko emozioak berpiztu zituen, non bertan egoteko zortea izan zuen arrazoi profesionalengatik. Oraingoan Reale Arenara itzultzea egokitu zitzaion eta Real Sociedad TV bere jardunaldiaren lekuko izan zen. Sentimendu txuri urdin hutsa.