Zelai erdirako oreka

Realak talentua eta esperientzia gehitu ditu bere zelai erdiko lerroan Paula Fernándezen fitxaketarekin. Futbolari kataluniarra Levante UD taldetik dator eta klub txuri-urdinarekin 2027ra arte lotzen duen kontratua sinatu du. Fernándezek, bere kontratu berria Reale Arenan sinatu zuen Alex Uranga kontseilariarekin, Maider Castillo elite mailako emakumezkoen futbol arduradunarekin eta Garbiñe Etxeberria emakumezkoen futbol arduradunarekin batera.

Paulak 25 urte ditu eta FC Bartzelonaren harrobian formatu ostean, Malagan, Rayo Vallecanon eta Levanten jokatu du. Levante taldean egin duen azkenengo denboraldian 29 neurketa ofizial jokatu ditu, taldearen zelai erdiko lerroko orekan pieza garrantzitsua izanik. Bere inteligentzia taktikoarengatik, baloia banatzeko irizpidetasunagatik eta zelai erdian rol desberdinetara egokitzeko gaitasunagatik nabarmentzen da.

Paularen iritsierarekin, Ligan esperientzian duten profilen aldeko apustua areagotzen jarraitzen du Realak. Datorren urtera begira, garrantzia handiko fitxaketa gisa irudikatzen da bere balioaniztasunarengatik eta konstantziagatik.