Lehen urteetan donostiarrek emaitza oso onak lortu zituzten jokatutako lagunartekoetan, baina ezin zuten txapelketa ofizialetan parte hartu erregistro zibilean izena eman ez zutelako. Ondorioz, 1909ko Espainiako Txapelketan parte hartzeko taldeak Club Ciclista izena hartu zuen.
Horrela gure historiaren lehen titulua iritsi zen. Athletic Club eta Fortuna kanporatu ondoren, 1909ko apirilaren 8an taldeak 3-1 gainditu zuen Madrileko Espanyol finalean. Hamaikakoa ondorengoa izan zen: Bea, A. Sena, Arocena, Arrillaga, Echeverria, Rodriguez, M. Sena, Lacort, McGuinness, Simmons eta Bireben. Golegileak McGuinness (bi) eta Simmons izan ziren.