Realeko belar hockeyko taldeak Ligako lehenengo puntua eskuratu du etxetik kanpo bana berdindu ondoren Club Egararen zelaian. Neurketako lehenengo jokaldi arriskutsuan etxekoen gola iritsi da, 3. minutuan. Realak bere gola eskuratu du hortik gutxira, Pacellaren golari esker. Emaitza honekin joan dira bi taldeak aldageletara.
Gipuzkoarrek aukera dexente izan dituzte bigarrena lortzeko, atsedenaldiaren aurretik eta ondoren, baina ez dute lortu. Azkeneko bi laurdenak nahiko berdinduak izan dira, bai Club Egara baita Reala ere jokaldi bakoitzean arriskua sortuz. Txuri-urdinak hurrengo astean RC Polo jasoko dute Bera Beran.