Emakumezkoen taldeak Cerro del Espino bisitatuko du larunbatean 12:00tan Atletico de Madrid-en aurka jokatzeko. Txuri-urdinak Erreginaren Kopako helburua lortuta, denboraldia ixten dute Madrilen Ligako titulua jokoan duen arerioaren aurka. Realak Valentziaren aurka Zubietan galdu ondoren puntuak eskuratzeko ideiarekin bukatu nahi du lehiaketa.
Atletico de Madrid Miniestadi zelaian Bartzelonaren aurka 1-1 berdindu eta gero iristen da neurketara eta bere eskuetan dago liga irabaztea. Realak emaitza positiboa lortu nahi izango du Madriletik Kopara begira froga ona izango den norgehiagoka honetan. Talde osoa joan da Madrilera eta deialdia bihar partida aurretik ezagutuko da. Neurketa Gol T-k emango du zuzenean.