Gaur hasiko da gure Mexikoko Kiana Palacios jokalariarentzat CONCACAF-eko Munduko Txapelketara sailkapena lortzeko fasea. Bere selekzioak gaur gauean jokatuko du (1:30etan Gipuzkoan) Estatu Batuen aurka, egungo munduko txapelduna dena. Neurketa zaila txapelketa hasteko.
Mariasun Quiñones, Nuria Mendoza eta Nahikari Garciak espainiar selekzioarekin jarraitzen dute lanean Las Rozasen. Gainera, atzokoan Rayo Vallecanoren aurka lagunarteko bat jokatu zuten.
Bestalde, Carla Bautista protagonista izan zen 19 urtez azpiko espainiar selekzioaren garaipenean Eskozioaren aurka. Txuri-urdinak, taldeko kapitainak, neurketako gol bakarra lortu zuen lehenengo hiru puntuak eskuratuz ‘Torneo de Etxentos’ txapelketan.