Ongi etorri, 'Real Bojador Sociedad'

Reala hazten ari da, zelai barruan eta kanpoan. Gaur berri ona dugu, lagunarte txuri-urdin berri baten sorrera. Wilayatik, Mendebaldeko Saharako Bojador probintzian, 'Real Bojador Sociedad' gure familiaren kide bihurtu da. Talde berri hau gure taldeen egunerokotasunaren jarraipena egin eta haiei babesa ematetik haratago doan taldea da.

Saharako Ministerioak eta Federazioak, Euskadin, batez ere Donostian, adin txikiko sahararren aldi baterako opor-harreraren tradizio luzea kontuan hartuta, elkarte hori sortzea bultzatu dute. Realaren gaurkotasunari eta partidei jarraitzeaz gain, futbolaz gozatu, hitz egin eta bildu ahal izateko espazio fisiko bat sortzeko, eta, batez ere, kirolarekiko eta, bereziki, futbolarekiko interesa sustatzeko asmoarekin jaio da. Horrekin batera, kirol-tradiziorik gabeko gizarte batek kirolaren kultura izaten hastea, haren balioak sustatzea eta, era berean, hala nahi duten haurrek beren bizitza kirolera bideratzea ahalbidetu nahi da. Oso pozik gaude lagunarte berri honen sorrerarekin. Ongi etorri, ‘Real Bojador Sociedad’.