Mila zale baino gehiago joango dira Logroñora taldea Las Gaunasen babestera. Ez du axola oraindik urrutiko kanporaketa izatea, ezta aurkaria beheragoko mailakoa izatea ere.
Joan-etorri masibo bakoitzean bezala, arratsaldeko ordu bietatik aurrera ‘Paseo del Espolon’ enparantzaren inguruan kontzentratzea gomendatzen zaie gure herritarrei.
Hortik zelaira 20 minutura oinez dagoenez, bihar egun aproposa da Las Gaunas zelairantz kalejira bat antolatzeko. Kalejira 17:30ean abiatuko da ‘Paseo del Espolón’ enparantzatik.
Ibilgailu partikularrean bidaiatuz gero, agintariek gure zaleei gomendatzen diete Las Gaunas ondoko aparkalekuan aparkatzea eta, ondoren, oinez edo garraio publikoan Logroñotik mugitzea.