Realak eta Elene Guridik akordioa lortu dute erdilariaren kontratua 2027ko denboraldira arte berritzeko. Jokalari txuri-urdinak, Maider Castillo eliteko emakumezkoen futbolaren arduradunarekin batera, bere lotura berria sinatu du Reale Arena estadioan.
Oñatiko gazteak aurreko denboraldian egin zuen debuta maila gorenean, eta azken hilabeteetako lehen mailako errendimendu bikainaren ondoren, Realak bere harrobiaren aldeko apustua egin du. Guridi ilusioz eta gogotsu agertu da bere ametsezko klubean helburuak betetzen jarraitzeko.
