Proba Mareon

Sansek denboraldian jokatuko duen etxetik kanpoko neurketa zailenetarikoa du aurretik asteburu honetan. Txuri-urdinek Mareo bisitatuko dute, Sporting de Gijonen harrobia. Asturiarrek denboraldi bikaina burutu zuten pasa den urtean eta seguruenik aurten ere goiko postuetan egongo dira.

Bestalde, txuri-urdinek garaipena lortzeko helburuarekin bidaiatuko dute. Aurten ez dute oraindik punturik lortu etxetik kanpo eta jaurdunaldi honetan bolada negatibo horri amaiera emateko aukera bikaina dute.

Gure hirugarren taldeak etxean jokatuko du berriro ere. Asteburu honetan Deportivo Alaves jasoko du Zubietan. Denboraldiko lehenengo puntuak galdu eta gero (asteazkenean ere Zamudioren aurka galdu zuten Federazio Kopan), Sergio Franciscoren mutilek porrot horiek atzean utzi eta garaipenaren bila aterako dira hasieratik.