“Reala familia bat da”

Maider Altunak, oraingoz behintzat, sticka zintzilikatzea erabaki du. Hernaniarrak, azken hamarkadan belar-hockeyko taldearen jokalari nabarmenetakoa izan denak eta lehen taldean hamaika denboraldi egin dituenak, “taldea nire familia izan da urte hauetan guztietan. Realeko jokalari izatea harro egoteko modukoa izan da”, aitortu du.
Maiderrek datorren denboraldirako prest egongo den belar-hockeyko zelai berria ezin estreinatzeak amorru handia ematen diola onartu du, nahiz eta jarraitu ahal izateko ate bat irekita utzi. “Orain arnasa hartu behar dut, erabakia behin betikoa dela esaten dizut, baina jokatzea asko gustatzen zait eta hori beti izango da horrela. Denbora behar dut eta ez dakit zer egingo dudan”.