Reale Arenak bere galarik onenak jantziko ditu Urtezahar gauean. Larunbateko partidak dituen pizgarriak gutxi balira, gainera, etxeko partidetarako fitxaketa berriarekin itxiko dugu urtea. Gure estadioak Ribbon board 360 bat estreinatuko du, LED panelez osatutako eraztun digital bat, beheko eta goiko tribunen artean jarri dena.
Soluzio teknologiko berritzaile hau LG Electronics babeslearekin egindako akordioaren barruan kokatzen da. Ribbon board berriak edozein motatako edukiak igortzeko gaitasuna izango du eta, zalantzarik gabe, denboraldi hasieran ezartzen hasi den argi eta entretenimenduzko ikuskizuna indartuko du.
