Atzoko egunean gogora ekarri genuen Kopako tituluarekin berriro hunkitu ondoren, gaur arratsaldean beste hitzordu garrantzitsua dugu. 20:30etatik aurrera, 'Sua - Irabazi arte' dokumentala emango dugu gure YouTubeko kanalean. Bertan, taldeak nola bizi izan zituen, barrutik, final historiko hartako aurreko egunak jasotzen ditu. Baina gehiago ere badago, dokumentalaren ostean, 22:00ak aldera, Nerea Eizagirre gure Instagramean zuzenean arituko baita bat egin nahi duten zale txuri-urdin guztiekin. Asteburu biribila ixteko hitzordu bikoitza.