Nahiago genuke porrot guztiak gozoak balira. Adnan Januzajek ezin izan du Reala sailkatu #LaLigaSantanderChallenge txapelketako final-laurdenetarako, FIFA 20ko partida birtual batean 3-5 galdu baitu Atletico Madrid-eko Marcos Llorente ordezkariaren aurka.
Emaitza anekdotikoa izan da. Dibertitu egin gara, hunkitu ere, eta Januren dobletea eta Oyarzabalen gola benetako partida balitz bezala ospatu ditugu. Eta, batez ere, kausa handi bati lagundu diogu. Askoz gehiago errepika daitezela.