Agustin Gajate izan zen Realaren eta Milango Interren arteko Atotxako partida historikoaren protagonistetako bat. Kanporaketa gainditzea lortu ez bazen ere, txuri-urdinen garaipenarekin, gure zelai zaharrean bizitako partida onena bezala gogoratzen da. Donostiako atzelariak aitortu duenez, “zaleen eta taldearen arteko batasuna eta ataritik sortutako giroak gure historiako gaurik gogoangarrienetako bat bizitzen lagundu zuen”. Errepika dadila.