Realeko Akziodunen Ohiko Batzar Nagusia gaur ospatuko da Donostiako Zurriolaren Ibilbide 1ean kokaturik dagoen Kursaal Jauregian, bigarren deialdian (19:00).
Eguneko gai-zerrenda ondorengoa da:
Lehena: Urteko kontuak hauek guztiak, 2019ko ekainaren 30ean itxitako ekitaldiari dagokionez. Baita ere kudeaketa soziala eta emaitzaren aplikazioaren proposamena aztertu eta, hala badagokio, onartzea.
Bigarrena: 2019ko uztailetik 2020eko ekainaren 30era bitarteko ekitaldi ekonomikorako aurkezten den aurrekontua aztertu eta, hala badagokio, onartzea.
Hirugarrena: Anoeta Estadioaren berrikuntza. Aurreikusteko moduko Inbertsioa eta finantziazioa. Administrazio Kontseiluari baimena.
Laugarrena: Administrazio Kontsiluari baimena ematea Batzarrak hartzen dituen erabakiak interpretatu, zuzendu, osatu, betearazi eta garatzeko, baita Batzarrarengandik jasotzen dituen ahalmenak aldatzeko, eta aipatutako erabakiak instrumentu publiko bihurtzeko ahalmenak ematero ere.
Bosgarrena: Galderak eta eskaerak.
Administrazio Kontseilua 1/2010 LegEDak (Kapital Sozietateen Legearen testu bategina) 203 artikuluan eta Merkataritzako Erregistroaren Erregelamenduak 101 artikuluan eta hurrengoetan ematen dioten eskubideaz baliatu da; horrenbestez, akta egingo da notarioaren esku-hartzearekin. 2016ko ekainaren 15en BORMEren erregistroan inskribatu zela eta –inskripzio zenbakia 252241–, batzar Nagusiaren iragarpena webgune korporatiboaren bitartez egiten da.
Eguneko gai-zerrendaren lehen eta bigarren puntuei dagokienez, eta R.D.L1/2010 272 artikuluan aurreikusitakoaren arabera, akziodun guztiek berehala eta dohainik eskuratu ahal izango dituzte Batzarrean aztertu eta, hala badagokio, onartzeko aurkeztu diren dokumentuak, hau da: 2019ko ekainaren 30ean itxitako Ekitaldiko Urteko Kontuak, Kudeaketa Txostena, Kontu Ikuskatzaileen Txostena eta 2019ko uztailaren 1etik 2020eko ekainaren 30era bitarteko ekitaldi ekonomikoari dagokion aurrekontua.
Informazio gehiago webgune korporatiboan