Reala eta Aritz Elustondo jokalaria akordio batera iritsi dira bere kontratua 2024ko ekainaren 30a arte luzatzeko. Jokalari txuri-urdinak eguerdi honetan sinatu du Reale Arenako bulegoetan bere harreman berria.
"Konfiantzagatik eskertua eta erantzukizunarekin"
"Konfiantzagatik eskertua eta erantzukizunarekin"
Aritz oso pozik agertu da kontratua berritzearekin eta horrela kontatu digu Real Sociedad TVn. "Eskerrak eman nahi dizkiot klubari nigan jarri duten konfiantzagatik, denboraldi asko daramatzat lehen taldean eta badakit erantzukizuna daukadala", esan du Elustondo irribarretsu batek. Atzelariak, COVID-19a gainditu ostean, hurrengo denboraldia "urte garrantzitsua" izango dela adierazi du, "lehiaketa guztietan anbizio handia izan beharko dugulako eta errutina baten hasiera izan dadin".