Realak egoera pribilegiatuan ekingo dio lehiaketako azken asteari. Atzo Reale Arenan lortutako garaipen garrantzitsuaren ondoren, talde txuri urdinak laugarren postuari eutsi dio LaLigan, urteko tarterik erabakigarrienari aurre egin aurretik.
Helburuak denboraldiko azken herenean argitzen direla esaten dugu. Hamabi jardunaldiren faltan, Imanolen mutilak Europan errepikatzeko posizio ezin hobean daude. Izan ere, garaipenak hiru puntu balio dituenetik, gure bigarren markarik onena da.
