Gure harrobiko jokalariez osatutako taldeak bihar amaituko du bere ibilbidea U21 Premier League International Cup txapelketan, Southampton FC taldeari bisita eginez 20:00etatik aurrera (Gipuzkoako ordua). Txuri-urdinek berdinketa bat eta bi porrot lortu dituzte hiru norgehiagoketan eta txapelketa zapore onarekin agurtu nahi dute. Ingelesek, bestalde, RB Leipzig mendean hartu zuten (4-1) jokatu duten partida bakarrean.
Azken jardunaldirako zerrenda jokalari hauek osatzen dute: Akos Tompa, Javier Jiménez, Jon Merino, Unax Agote, Ekain Díaz de Alda, Iker Ropero, Alex Lebarbier, Darío Ramírez, Ibai Aguirre, Sydney Osazuwa, Martín Arruti, Álex Marchal, Unax Ayo, Gorka Gorosabel, Iker Ferrer, Eloy Nebreda, Iker Calderón eta Pablo Arenzana.